दाङ – दाङको तुलसीपुरमा शौचालयमा लडेर एक महिलाको ज्यान गएको छ । शौचालयमा लडेर तुलसीपुर उपमहानगरपालिका ६ कपडादेवीकी ३८ वर्षीया कमला लामिछानेको ज्यान गएको इलाका प्रहरी कार्यालय तुलसीपुर दाङले जनाएको छ ।
छिमेकी दिदी नाता पर्ने तेजकुमारी लामिछानेको घरमा आज बुधवार दिउँसो शौचालय गएकी कमला एक घण्टासम्म नफर्किएपछि ढोका फोडेर हेर्दा घोप्टो अवस्थामा देखेपछि उहाँलाई तत्काल राप्ती प्रादेशिक अस्पताल तुलसीपुरमा लगिएको थियो । अस्पताल पुर्याएको केहीबेरमै उहाँलाई चिकित्सकले मृत घोषणा गरेका थिए ।
