भदौ २८, २०७७ सिन्धुपाल्चोक
सिन्धुपाल्चोकको बाह्रबिसे नगरपालिकामा गएराति पहिरो खस्दा ३ जनाको ज्यान गएको छ भने २३जना बेपत्ता भएका छन्। अविरल वर्षाका कारण नगरपालिकाको वडा नम्बर ७ मा गएको पहिरोले ८ वटा घर बगाउँदा २३ जना बेपत्ता भएका हुन्।
दुई जनाको उद्धार गरिएको नगरपालिकाका मेयर निमफुन्जो शेर्पाले बताए । पहिरोले वडा नं ७ मा पर्ने घुन्थाङको भीरखर्कमा ३ वटा र नागपुजेमा ९ वटा घर पुरेको उनले जानकारी दिएका छन ।
उनकाअनुसार भीरखर्कमा ६ जना र नागपुजेमा १७ जना बेपत्ता भएका छन् । अहिले प्रहरीको टोली घटनास्थलतर्फ गएको जिल्ला प्रहरी कार्यालय सिन्धुपाल्चोकले जनाएको छ ।
हेर्नुहाेस फाेटाेमा
