काठमाण्डौ – निर्वाचन आयोगले उम्मेदवार तथा राजनीतिक दलको चुनाव खर्चको विवरण नेपाल प्रहरी र राष्ट्रिय अनुसन्धान विभागको स्थानीय संरचना मार्फत सङ्कलन गर्ने भएको छ । आयोगले उम्मेदवार तथा राजनीतिक दलले चुनावमा खर्च गर्दा आयोगले तोकेको सीमाभित्र रही खर्च गरेरनगरेकोबारे सुरक्षा निकायबाट विवरण सङ्कलन गर्ने भएको हो ।
कडाइका साथ निर्वाचन आचारसंहिता कार्यान्वयन गरिरहेको जनाउँदै आयोगले निर्वाचन आचारसंहिता पालना भएको नभएको पनि नेपाल प्रहरी र राष्ट्रिय अनुसन्धान विभागका स्थानीय संरचनाबाट गर्ने भएको छ । आज बिहीवार बसेको आयोगको निर्वाचन आचारसंहिता केन्द्रीय अनुगमन समितिको बैठकले उम्मेदवार तथा राजनीतिक दलले चुनावमा खर्च गर्दा आयोगले तोकेको सीमाभित्र रही खर्च गरेरनगरेको र आचारसंहिता पालना भएरनभएको सम्बन्धमा तल्लो तहबाट नै निगरानी गर्नुपर्ने जनाएको छ ।
यस्तै निर्वाचन आयोगले निर्वाचन आचारसंहिता उल्लङ्घन गर्ने कर्मचारीलाई कारबाहीका लागि सम्बन्धित कार्यालयलाई निर्देशन दिएको छ । आयोगको निर्देशनअनुसार कारबाही नगर्ने कार्यालय प्रमुखहरूलाई कारबाही सुरु गर्ने पनि आयोगले निर्णय गरेको आयोगका प्रवक्ता शालिग्राम शर्मा पौडेलले जानकारी दिए ।
