काठमाडौं – आउँदो मंसिर ४ गते हुने चुनावका लागी मतपत्र लगाएत निर्वाचनका लागी आवश्यक सामाग्री ढुवानीको काम चलिरहेको छ ।निर्वाचन आयोगले गण्डकी, कर्णाली तथा सुदूरपश्चिम प्रदेशका दुर्गम पहाडी आठ जिल्लामा मतपत्रसहितका निर्वाचन सामग्री पुर्याएको छ ।
गण्डकी प्रदेशको मनाङ र मुस्ताङ, कर्णालीको हुम्ला, जुम्ला, मुगु, कालिकोट, डोल्पा र सुदूरपश्चिमको बाजुराको निर्वाचन सामग्री पुगेको आयोगले जनाएको हो। आयोगले मंसिर ४ गते हुने प्रतिनिधिसभा तथा प्रदेश सभा सदस्य निर्वाचनका लागि ५७ प्रकारका सामग्री दिनहुँ विभिन्न जिल्लामा ढुवानी गरिरहेको छ।
आयोगले निर्वाचनका लागि मतपेटिका, मतपत्र, छेकाबारा, कोरा कपडा र स्वस्तिक छाप लगायत सामग्री पठाइरहेको हो।अन्य बााकी जिल्लामा सबै सामग्री ढुवानी हुन बाँकी रहेको बताइएको छ।
