श्रीमती भेट्न हिडेका युवा मृत फेला

कृष्ण शर्मा
 
२०७७ आश्विन २, शुक्रबार १४:५७ मा प्रकाशित

२०७७ असोज २ दैलेख ,

माइती बसेकी श्रीमती भेट्न हिडेका मुगुका दुई युवा मृत अवस्थामा भेटिएका छन् ।
छायानाथ रारा नगरपालिका वडा नं ७ का २१ वर्षीय युवा रामकृष्ण विष्ट र छाँयानाथ रारा नगरपालिका—७ का २८ बर्षीय अर्का युवा राजेन्द्र बहादुर शाही छुट्टाछुट्टै स्थानमा मृत भेटिएका हुन ।

पत्नीसहित ससुराली भेट्न खत्याड गाँउपालिका—६ रास्कोटीबाडा ससुराली घर गएका राजेन्द्रबहादुर शाही बुधबार सोही गाँउको जङ्गलको रुखमा झुण्डिएको अबस्थामा मृत फेला परेको जिल्ला प्रहरी कार्यालय मुगुले जनाएको छ ।

कार्यालयका अनुसार उनी श्रीमती ल्याउन ससुराली घर गएका थिए तर उल्टै युवाको लास लिएर घरपरिवार घर फर्केको प्रहरी कार्यालय मुगुका सूचना अधिकारी भिम दत्त जोशीले बताए ।

त्यस्तै छाँयानाथ रारा नगरपालिका वडा नम्बर ८ झ्यारी गाउँका २१ बर्षिय युवक रामकृष्ण विष्ट सुसुराली घरमा रहेकी पत्नीलाई घर ल्याउन गएका थिए । ससुराली नपुग्दै गाउँ नजिकै भदौ २५ गते रुखमा झुण्डिएको अबस्थामा मृत फेला परेको मृतक विष्टका भतिजा रतन रावलले बताए । मृतक विष्टकी श्रीमतीले जिल्ला अदालत मुगुमा सम्बन्ध विच्छेदको उजुरी हालेको बताइएको छ ।

Next Post

आजदेखि राष्ट्र सङ्घको ७५ औं महासभा सुरु प्रधानमन्त्री ओलीले सोमबार सम्बोधन गर्ने

२०७७ आश्विन २, शुक्रबार १४:५७
काठमाण्डौ ;    प्रधानमन्त्री केपी शर्मा ओली नेतृत्वको नेपाली प्रतिनिधिमण्डलले भर्चुअल रुपमा संयुक्त राष्ट्र सङ्घको ७५ औं महासभामा भाग लिने भएको छ । न्यूयोर्कमा आजदेखि सुरु भएको ७५ औं महासभालाई प्रधानमन्त्री ओलीले आउँदो सोमबार सम्बोधन गर्ने कार्यक्रम रहेको परराष्ट्र मन्त्रालयले जनाएको छ । यस्तै, शनिबार ‘२०२० दिगो विकास लक्ष्यका क्षण’ […]