१८ भाद्र २०७७, दैलेख
दैलेखमा समुदाय स्तरमा कोरोनाको संक्रमण देखिन थालेपछि पिसिआर परीक्षणको दायरा बढाइएको छ ।
जिल्लाको सदरमुकाम समेत रहेको दैलेख बजारमा धेरै जनघनत्व भएकोले कोरोना भाइरसको संक्रमण छिटो फैलिन सक्ने भन्दै पहिलो चरणमा स्थानीय व्यापारीहरुको चेकजाँच गरिएको स्वास्थ्य शाखा संयोजक लाल बहादुर खड्काले बताए ।
समुदायमा कोरोना भाइरसको संक्रमण फैलिन नदिन तिब्र रुपमा पिसिआर परीक्षण थालिएको नारायण नगरपालिका वडा नं. १ का अध्यक्ष तीर्थ नारायण श्रेष्ठले बताए । उनले वडा नं. १ मा मात्रै ५७ जनामा कोरोना संक्रमण पुष्टि भइसकेको बताए ।
पहिलो चरण अन्र्तगत आजमात्रै १०९ जना स्थानीय व्यापारी तथा कर्मचारीह्ररुको स्वाब संकलन गरिएको र रिपोर्ट भोलीसम्म आउने अध्यक्ष श्रेष्ठले बताए । कोरोनाको संक्रमण कम गर्न स्थानीय प्रशासनले भगवतीटोललाई शिल गरेको छ ।
भिडियाे हेर्नुहाेस
