काठमाडौँ, साउन ३१
अागामी प्रतिनिधि सभाकाे निर्वाचनमा नेपाल समाजवादी पार्टीका बाबुराम भट्टराई र राष्ट्रिय सभा सदस्य वामदेव गौतमलाई हँसिया हतौडामा चुनाव लड्न नेकपा (माओवादी केन्द्र) ले सहमति दिएको छ।
पेरिसडाँडामा मंगलबार बसेको स्थायी कमिटी बैठकले भट्टराई र गौतमलाई आफ्नो चुनाव चिन्हमा लड्न स्वीकृति दिएको प्रवक्ता कृष्णबहादुर महराले बताए।
‘बाबुराम भट्टराई र वामदेव गौतमलाई हँसिया हतौडामा चुनाव लड्न पार्टीले स्वीकृति दिएको छ। उहाँहरूका शर्तका विषयमा थप छलफल गरिने छ,’ उनले भने। उनीहरूलाई सत्ता गठबन्धनमा सहभागी गराउने विषयमा समेत छलफल हुने महराले बताए।
