१९ पौष २०७९, दैलेख
दैलेखको दुल्लु नगरपालिकामा टिप्पर दुर्घटना हुँदा एक जनाको घटनास्थलमै मृत्यु भएको छ । भे १ ग ७७ नम्वरकाे टिप्पर मध्यपहाडी राजमार्ग अन्तरगत दुल्लु नगरपालिका ९ मा पर्ने गोबे धारा भन्ने ठाउँमा दुर्घटना भएको हो । दुर्घटनामा परी दुल्लु नगरपालिका ३ सियालाका अन्दाजी २८ बर्षका धनबहादुर बुढाको दुल्लु अस्पतालमा उपचारका क्रममा मृत्यु भएको छ ।
दुई जना घाईते भएको इलाका प्रहरी कार्यालय दुल्लुका प्रहरी निरीक्षक कृष्ण डाँगीले जानकारी दिनुभयो । दुर्घटनामा परि दुल्लु नगरपालिका ७ का अन्दाजी ३५ वर्षका नगेन्द्र रावत र २ का अन्दाजी ३२ वर्षका पुर्ण थापा घाईते भएका छन् । उनीहरुको दुल्लु अस्पतालमा उपचार भैरहेको छ । टिप्पर सडकबाट करीब १ सय ५० मिटर तल खसेको छ । उनीहरु दुल्लु नगरपालिकामा कार्यरत कर्मचारी हुन ।
