भदौ १४, २०७७ कालीकोट
जिल्लाकाे तिलागुफा नगरपालिका वडा नं १ मा गएकाे पहिरोमा परेर ११ जना हराएका छन् । नाग्म बजारमा शनिबार राति पहिरो जाँदा एक जनाको घटनास्थलमा नै मृत्यु भएको छ ।
पहिरोमा पुरिएर शुभकालीका गाउँपालिका ५ का ५ वर्षिय निराजन शाहीको मृत्यु भएको प्रदेश प्रहरी कार्यालय सुर्खेतका सूचना अधिकारी लोकनाथ तिमल्सिनाले जानकारी दिए ।
पहिरोमा पुरिएका तिलागुफा नगरपालिका ३ का ११ वर्षिय अर्जुन हमाललाई जीवितै उद्धार गरी थप उपचारका लागि कर्णाली स्वास्थ्य विज्ञान प्रतिष्ठान जुम्ला लगिएको छ । पहिरोमा परेकी हिमागाउँपालिकाकी ३५ वर्षीया पन्ना शाहीको जीवितै उद्धार गरिएको छ ।
