भाद्र १५, २०७७ काठमाडौँ
काठमाडौं महानगरपालिकाका मेयर विद्यासुन्दर शाक्य कोरोना भाइरसकाे संक्रमणमा परेका छन । शनीवार उनी श्रीमतीलाई ज्वरो आएपछि उपचार गराउन धापासीस्थित ग्राण्डी अस्पताल गएका थिए । सो क्रममा मेयर शाक्यले आफ्नो र श्रीमतीको पीसीआर परीक्षण गराएका थिए ।
अस्पतालले साेमवार मात्र उनकाे पीसीआर रिपोर्ट पोजेटिभ आएको जानकारी दिएको छ । ज्वरो र रुघा लागेर उपचारका लागि अस्पताल पुगेकी उनकी श्रीमतीको रिपोर्ट भने नेगेटिभ आएको छ । प्रमुख शाक्य काठमाडौंको वडा नम्बर २१ लगनस्थित आफ्नै घरमा होम आइसोलेशनमा बसेका छन् ।
महानगरपालिकाका सञ्चार विज्ञ मोहन बाँस्तोलाले मेयर शाक्यलाइ कुनै लक्षण नभएकाे बताएका छन । उनी घरमै आइसोलेसनमा बसेका छन । उनले आफूसँग सम्पर्कमा आएकाहरूलाई परीक्षण गराउन र आइसोलेसनमा जान आग्रह पनि गरेका छन् ।