चर्चित कमेडी रियालिटी शो ‘कमेडी च्याम्पियन सिजन–२’ मा भरतमणी पौडेल, विक्की अग्रवाल र सन्तोष थापा फाइनलमा पुगेका छन् । दर्शकको भोटबाट विक्की र सन्तोष अगाडि बढेका हुन । अन्तिम ४ मा परेका हिक्मत महराले भने फाइनलमा स्थान बनाउन सकेनन् । यो शोका निर्देशक विशाल भण्डारीले हिक्मत बाहिरिएको पुष्टि गरेका छन्।
भरतमणी पौडेलले भने निर्णायकहरुको छनोटका आधारमा फाइनलमा स्थान बनाइसकेका थिए । यो रियालिटी शोको फाइनल असोज २ गते हुने निर्देशक विशाल भण्डारीले जानकारी दिए ।
