जेष्ठ १, २०७९ दैलेख
दैलेखको नौमुले गाउँपालिकाकाे अध्यक्षमा नेकपा माओवादी केन्द्रका छविराम सुवेदी विजयी भएका छन् । उनी ३ हजार २ सय मत ल्याएर अध्यक्षमा निर्वाचित भएका हुन् । २०७४ सालको निर्वाचनमा दैलेखमा कमजाेर देखिएकाे माओवादी केन्द्रले यस पटक धेरै ठाउँमा जित हात पारेकाे छ ।
उनका निकटतम् प्रतिद्वन्द्वी नेपाली कांग्रेसका भदे बुढा मगरले २५ सय ४४ मत प्राप्त गरे । एमालेका शशिराम विश्वकर्माले १९ सय २० मत ल्याए । उपप्रमुखमा एकीकृत समाजवादीका गंगबहादुर शाही विजयी भएका छन् । उनले २८ सय ३४ मत प्राप्त गरे । नेपाली कांग्रेसकी अमृता सिंहले २४ सय ५ र एमालेकी गीता चन्दले १९ सय १८ मत प्राप्त गरिन् ।