नौमुले, भदौ १२, दैलेख
शनिवार राती आएको अविरल वर्षाका कारण आएकाे बाढीले स्थानीयकाे घर र खेतीबालीमा ठूलाे क्षती पुर्याएकाे छ । नौमुले गाउँपालिका वडा नं ५ स्थित वारि बजार र रापट टोल बाढीले प्रभावित भएपछि गाउपालिकाका अध्यक्ष छवि सुवेदी राहत बोकेर बाढीपिडितको घरमा पुगेका छन । स्थानीय सरकार प्रमुख घरमै आएर राहत प्रदान गरेपछि स्थानीयले खुसी व्यक्त गरेका छन् ।
‘जनताको घरघरमा सरकार’ भन्ने कार्यक्रम अनुसार राहत सामाग्री बाेकेर घरमै पुगेकाे अध्यक्ष सुवेदीले बताए । एमविवीएस पढ्दापढ्दै राजनीतिमा लागेका अध्यक्ष सुवेदी जनताको माँझमा अत्यन्तै लोकप्रिय नेताका रूपमा चिनिन्छन् । उनले गाउँगाउँमा गएर जनताको स्वास्थ्य अवस्था चेकजाँच गर्ने काम पनि गरिरहेका छन ।
