काठमाडौं – नेकपा माओवादी केन्द्रले आज प्रतिनिधिसभा र प्रदेशसभा तर्फको समानुपातिक सूची निर्वाचन आयोगमा बुझाएको छ। नेपाल समाजवादी पार्टीसहित ११० जना सांसदको सूची आयोगमा बुझाइएको माओवादी केन्द्रका उपमहासचिव वर्षमान पुनले बताए।
उनका अनुसार ११० मध्ये ५ जना डा.बाबुराम भट्टराईको पार्टी नेपाल समाजवादी पार्टीका छन्। डा.भट्टराई पनि माओवादीकै चिह्नबाट चुनाव लड्ने सहमति भइसकेको छ। समानुपातिक तर्फको सूची बुझाउन महासचिव देव गुरुङ, लीलामणि पोखरेल, गिरिराजमणि पोखरेल पनि आयोग पुगेका थिए। उपमहासचिव पुनले पार्टीले तोकेको मापदण्ड भित्र रहेर समानुपातिक उम्मेदवारको सूची तयार पारिएको बताए।
