सिटिजन्स बैंक इन्टरनेशनल लिमिटेड, दुल्लु शाखाले निःशुल्क स्वास्थ्य परीक्षण कार्यक्रम गरेको छ। दुल्लु नगरपालिकासँगको सहकार्यमा दुल्लु नगरपालिका १० स्थित पञ्चकोशी वेद विद्या आश्रमका विद्यार्थी सहित समुदायका करिब २०० जनाले स्वास्थ्य परीक्षण सेवा लिएका छन्, करिब ५०,००० रुपैयाँ बराबरको औषधि निःशुल्क वितरण गरिएको बैंकले जानकारी दिएकाे छ।
कार्यक्रममा जिल्लाका विशिष्ट चिकित्सकहरू, वडा अध्यक्ष तथा बैंकका कर्मचारीहरूको उपस्थिति रहेको थियो। ग्राहकहरूसँग प्रत्यक्ष रूपमा जोडिएर स्वास्थ्य सेवा प्रदान गर्न पाउँदा अत्यन्तै हर्षित भएको शाखाका अपरेसन इन्चार्ज सुरेन्द्र गुरुङले जानकारी दिए । आगामी दिनमा पनि यस्ता सामाजिक सेवामूलक कार्यक्रमहरूमा संलग्न रहने प्रतिबद्धता बैंक शाखाले व्यक्त गरेको छ।
