८ कात्तिक २०७७, दैलेख
जिल्लाकाे अाठबिस नगरपालिका ५ पिपलकाेटकी २८ वर्षिय हस्तना वि.क. चार छोरी र दुई छोरा सहित ६ सन्तानकी अामा हुन । २ वर्ष अघि श्रीमान गुमाइसकेकी हस्तनाकाे बिहान बेलुकाका छाक टार्ने समेत उपाय छैन ।
चावपर्वमा पनि भोकभोकै बस्नुपर्ने चिन्ताले उनलाइ पिराेली रहेकाे थियाे । यस्तैमा उनलाइ सहयाेगकाे लागि एक सामाजिक संस्थाले वडाकाे सिफारिस माग गरेकाे थियाे । तर वडा कार्यालयले सिफारिस दिन मानेन ।
गज्जब नेपाल लगाएतका सञ्चार माध्ययममा गरिबीले ठगेको हस्तनाको परिवारलाई गैरसरकारी संस्थाहरुले जीविकोपार्जनमा सहयोग गर्न खोजेपनि वडा कार्यालयले सिफारिस नदिएको र खान लगाउन समेत मुस्किल भएको देखाईएको थियो ।
‘गहभरी आँशु निकाल्दै हस्तनाले भनिन्ः “मेराे वडाले दशैं खल्लाे बनायाे’ शिर्षकमा फोटो सहित समाचार प्रकाशन भएपछि प्रतिनीधि सभा सदस्य पार्वती विशुन्केको पहलमा शान्ति चिल्ड्रेन फाउण्डेशनको पाँच हजार र जिल्लास्थित सामाजिक अभियान्ताहरुले सहयोग स्वरुप संकलन गरेको आठ हजार रुपैयाँ सहित १३ हजार रुपैयाँ हस्तनाको परिवारलाई हस्तान्तरण गरिएको छ ।
बडादशैंको मुखमा भोकभोकै बस्न बाध्य उनको परिवारलाई सामाजिक सेवा केन्द्र (सोसेक) नेपाल दैलेखले खाद्यान्न उपलब्ध गराएको छ । चामल, दाल, तेल, नुन, साबुन, ब्रस, मनजन सहयोग गरेको संस्थाका संस्थापक अध्यक्ष हीरासिंह थापाले जानकारी दिए । थोरै भएपनि राहत होस् भन्ने उदेश्यले खाद्यान्न सहयोग गरिएको संस्थापक अध्यक्ष थापाले जनाए ।
कस्ताे छ हस्तनाकाे जीवन? भिडियाे हेर्नुहाेसः