दैलेखमा उल्लासपूर्वक मनाइयाे माघे संक्रान्ति (हेराैं भिडियाे)

नेपाल मगर संघ जिल्ला समन्वय समिति दैलेखकाे अधिवेशनलेन नयाँ नेतृत्व पनि चयन गर्ने छ

गज्ज्ब नेपाल संवाददाता
 
२०७७ पुष २७, सोमबार २०:०२ मा प्रकाशित

मगर समुदायले राष्ट्रिय पर्वका रुपमा मनाउदै आएको माघे संक्रान्ति पर्व दैलेखमा भव्यताका साथ मनाइएको छ । जिल्लाको डुङ्गेश्वर गाउँपालिकामा पर्ने चुप्रा बजारमा विविध सांस्कृतिक कार्यक्रमको आयोजना गरिएको थियो । नेपाल मगर संघ जिल्ला समन्वय समिति दैलेखको आयोजनामा गरिएको कार्यक्रममा जिल्लाभरबाट मगर समुदायको बाक्लो उपस्थिती थियो । उनीहरुले विभिन्न गित र नृत्य प्रस्तुत गरेका थिए ।

संघको ८ औं अधिवेशन तथा माघे संक्रान्ति विषेश कार्यक्रमको प्रमुख अतिथीको रुपमा बोल्दै नेपाल आदिवासी जनताजी महासंघ कर्णाली प्रदेशका संयोजक खगेन्द्र पुन मगरले मगर समुदायको भाषा र संस्कृतिको संरक्षण गर्नुपर्ने बताए । उनेले मगर समुदाय नेपालको आदिवासी जनजाती वर्गमा पर्ने एक महत्वपूर्ण जाती भएकोले राज्यका विभिन्न संयन्त्रहरुमा उल्लेख्य सहभागिता हुनुपर्नेमा जोड दिए ।

कार्यक्रममा नेपाल आदिवासी जनताजी महासंघ कर्णाली प्रदेशका उपाध्यक्ष सूर्यकुमारी श्रेष्ठले मगर समुदायको भाषा, कला, संस्कृतिलाइ बचाइराख्न आजको आवश्यकता भएको बताइन । उनले आफ्नो समुदायको हक, हित, र संरक्षण लागि आफुहरुले सबन्धित निकायमा पहल गरिरहेको बताइन । कार्यक्रममा नेपाल मगर संघ, दैलेखका सचिव सर्वजित थापा मगरले उद्घोषण तथा विभिन्न सांगितिक प्रस्तुती रोखेका गरेका थिए । अधिवेशनले मंगलबार नयाँ कार्यसमिति चयन गर्नेछ ।

नृत्य हेर्नुहाेस

Next Post

दैलेखमा १४ वर्षकी वालिका बलात्कार गरेको आरोपमा एक जना पक्राउ

२०७७ पुष २७, सोमबार २०:०२
२७ पुस २०७७, दैलेख १४ बर्षीया बालिका बलात्कार गरेको आरोपमा दैलेख प्रहरीले  एक जना पक्राउ गरेकाे छ । बलात्कार आरोपमा जिल्लाकाे गुराँस गाउँपालिका–४ सेरीका २० बर्षीया राजन विकलाइ पक्राउ गरिएकाे  जिल्ला प्रहरी कार्यालय दैलेखका प्रमुख डिएसपि अनुपम श्रेष्ठले गज्जव नेपाललाइ जानकारी दिए । सुर्खेत घर भइ दैलेख मामाघरमा वस्दै आएकी […]